SAM

SAM

Followers

Dengarkan Utara.FM - Macam Biasa Juga Bah

Sunday, February 8, 2009

Iyen Abar SAM?

Assalamualaikum ko' Salam Sejahtera tuju ku ta' semimon sidang redaksi SAM seterus ni ta sien-sien yang moso entry ta diom blog SAM tu. Semoga kiti diom lingungan-Ni, sihat ko sanang atai selalu. Beta bana aku nia' ngisi entry bahasa Sama ta blog tu tau. Yang sebana ni, sejak 2 menjak tu iko bana komitmen ku yang ali-ali eh. Jumaat pelingka' ri bau pan aku habis latihan industri/praktikal ta Perbadanan Labuan. Mungkin elau Sabtu minggu' depan panjang umur mole' no tu pe KM. Rihat banga deminggu duo lepas eh merantau balik memia kerejoan ta' laat jomo. Laat dirian engko' nyia alap beta' kerejo, tapi masalah ni peluang kerejoan eh nyiaun.
Bah, lupo ti pasal serita eh, iyen yang ingin kongsi ku elau tu tentang kesefahaman antara manusia. Kiti manusia tu engko' dukum Malaikat yang suci, patuh ko' nyia' pandai muat kesilapan. Setiap manusia mesti nyia' lepah diom muat kesilapan. Amun un see' ti muat kesilapan nyia' sala' kiti nagur ni. Ko' sebagai see' harus pan pandai faham ta' see'.
Objektif perjuangan ti diom SAM tu nyia' lai untuk ngebila jomo-jomo/masyarakat KM khususni. Jomo diom SAM tu masam-masam agama, bongso ko' fahaman politik ni. Jomo diom SAM tu amun buli biar no nulis nuut idea ni diri-dirian ko' nyia nulis artikel yang buli ngugat sensitiviti semimon jomo. Amun un artikel yang "Copy ko' Paste" sebuli-buli ni engko bulat-bulat sebagai entry diom SAM tu. Cuba muat ulasan pandangan dirian. Betiru jomo, lebih dau ngenda' berita berbanding SAM, jadi nyia' timbul soal pasal SAM sebagai medium penyebar berita ta' diom surat kabar. Engko' pan nyia' buli langsung, sebana ni buli, tapi amun buli fakta jomo yang pinosok sepatut ni un ulasan pro ko' kontra laman kiti. Sebagai penutup untuk SUDUT BAHASA BAJAU/SAMA elau tu, aku sebagai penulis maku maap, amun un serita ku ta' entry elau tu yang nyinggung perasaan sien-sien. Engko' maksudku raat, taguran ku untuk kiti termasuk diri ku dirian. Iyen yang alap eh kendo' ti, amun raat pengendaan bi petioun bi jo. Tapi amun buli pinalap, cuba sedaya upaya pinalap untuk kealapan kiti somo-somo.Sekian terima kasih. SALAM..

2 comments:

Trade and economic issues said...

hello..I Think nice post and good image , Have a great days, Thx 4 visited ..smile 4u… :) http://cynthiabs.blogspot.com/

SANGURU said...

alap bah entrymu tu yawww...