SAM

SAM

Followers

Dengarkan Utara.FM - Macam Biasa Juga Bah

Saturday, March 7, 2009

Paku-paku Rudai.

Sinurat di Mogoron Kimaragang
Kinoruangan kow kikiawi kopitomumung tokow kembagu siti id blog SAM. Kaatanud oku daalo diti manaak dot tuturan siti om iri noh id boros dang Kimaragang ot pinaantakan dogon. It tuturanku nakatalib nokouringkaw boh dikoo dot waro sominggu diri ot alasu banar it tuturan dot kowowoyoon dot Tandek. Aarap oku dot okonko gisom nouringkaw kow noh diri nga kipayat poh dino dot mungkaya om tumimpuun monginwawasi dat Tandek.
Biano tuturanku siti, iri noh it oduya iti tongo tanganak tokow dot mundaliw. Iradko ilot rudai tu siongo ot kotopikon mundaliw. It tanganak oku poh, mitatanud tongo sandad momiansau sid gowuton. Na koombal i mari dot kasambat dot rudai. Ompuyaan ya dino boh. Nunu poh iti rudai otigagang, tumopik nopoh it rudai sid roon minsan-insan okoi noh momoros topuu'od dot "paku-paku rudai, mogundaliw kiadau" kakah, nga mundaliw dino it warana dit kulit do rudai dot otomow. Otigagang noh, tumopik sid puun dot kayu, mundaliw noh wagu irad ko warana dit kulit dot kayu.
Tanganak tidinoh iri noh tu agaga mundaliw dot aamu atantu ot gama. Amu poh kaarati momudali dot kosigupan, misigup noh. Kokito dot kianting-anting silo id TV, oompus nopoh ot tolingo luwangan dot posusukan tanting-anting. Kokito dit tokobuk irad ko tandaa dot tukori nga ai oboh otiruwanan i babanar. Iri poh kokito dot tulun mangakan dot shabu nga tumingan i milang. Nunu poh, ogumu dino ot mamaangan dit okonko koonong sid kowosian. Waro mari dit guulu diri ot tabar sid malaya dot tanak minamatai tidi kondiri tu aso noh kataak gimawat dot siin sid tanak tu ba nowian no boh. Siasato dot pulis, nunu ot maan oboh, panagi dot shabu bala it tanak diri.
Ong it rudai mundaliw tu rumosi om mogidu mantad sid kendorosian yo. Nga suwai bala iti tulun mundaliw, okon ko mogidu poh nga milang nogi. Iri noh boh ong kopotutan iti borosku, tanganak wagu, undaliw kow noh ponong sid kowosian. Osian oboh ot moleeng, oontok mari yaalo dino dot asawat ot raa daagan osusaan monoosorow gama mongopud tanganak yo.
Kopisambat wagu sid tuturan wokon. Eduan kow poh.
Nota: Artikel ini merupakan satu teguran terhadap kehidupan anak-anak muda yang mudah terjerumus ke dalam gejala penyakit sosial.

9 comments:

Mogoron said...

Ai oboh nokokalakak oku diti owoh. Disai do karaja iti miilom waro diri ot gambar. Nga kotoluadan diko, mad natambaan diri dot anawau iti tuturan. ha.. ha.. ha..

ison said...

Dogon dot karaja tobelo. Mad waro tongo kod html tokito ku sitid posting nu di kasarap. Mangai ku diri iduo iri om pingtambai kupo iti tongo gambar. Modot no intaatangan tongo kinoruang. Asee nooba dilo artikel dilo. Hee...

Ba, tongo kinoruangan kikiawi, tondingo no banar dikoo ilo rudai ka. Nokoodaliw no warana tokito dikoo oi? Haha...

Tupono: Tongo tanganak wagu, engin kow gam sumiliw do rudai?

NONG said...

hahaaa...awasi poma. colourfull life kabarasan belo Otto, Ison. nunu kelelo ong waro tajangan nga tad mundaliw i ka nono dilo..hehe.
Nga..mad aku yoku tiakan dilo obo. Takan oku poma dot siin oribu om waranaai ino tokobuk nu kanga, aku po dati.wawasi kalanji tokobuk ku anaru om etom po, ragon i oi? kalamas iti gama diti..:)

Nazri Aldusuni said...

Rudai memang opintar mitukar-tukar rupa om warna... aiso jati diri.

Tingau said...

mmg no bo tanganak zaman sakarang..
up2date kaka..tp okito ku okon ko up2date nga miagal ginumuli zaman gulu2 po it amu poh nakarati nunu do kehidupan..

JMimie Mabin said...

"paku paku rudai, mongundaliw kiadau"..yoku nga nokokosup po mari diti 'lagu' diti ki..hehe

banar ko susuwai no tongo tanganak tidino..kongko sumurung sid dapan, sumunsurut nogi id nontodon. nolaw ulaw om nogoliwong dot 'budaya kuning'..

Little Mike said...

anak2 muda kitab terbawa-bawa dengan mantera teknologi tanpa menapis ke arah kebaikan... Suka jadi 'pengikut' peredaran masa daripada menjadi 'leader' kepada diri sendiri dalam menganjakkan kehidupan ke masa depan. Sayangnya, rahmat teknologi tidak ditafsirkan sepenuhnya kepada pengertian yang baik2 sesuai dalam usaha ke arah membina sahsia diri.

Jika anak2 muda gagal dalam menjustifikasikan kekuatan karekter, wajah masa depan bangsa yang bagaimanakah yang akan mewarnai sejarah generasi seterusnya?

AragangTandik said...

Sama-samalah kita membenteras gejala penyalagunaan dadah. Mitatabang tokou membimbing tongo tanganak tokou.

SANGURU said...

Bukan budak kicil saja perangai rudai, tulun tagayo nga mad ko rudai e'. waro e' prinsip nga PRINSIP POK UNTUNG...alalalala...