SAM

SAM

Followers

Dengarkan Utara.FM - Macam Biasa Juga Bah

Wednesday, March 18, 2009

Pananom Kow Do Koko

Aandamanku it tuturan wagu dialoi Ison diri, andangko osusa boh mari ino sumikul kah dino. It tongo baraian sid sikul, panambang dot tanganak om pomoli tongo buuk dino kosusaan i banar dot tongo moleeng. Kowi'yan dot sumusa, oogol poh dino manaak dot motivasi kumaa sid tongo tanganak yoh. Pagka om nokerasa tokow dit kosusaan dino, biano popembulai oku dot gama kotulungan sid kinoruangan id Bandau. Aso boh ot siin dot i atodku sino dino. Nga ong atanud dikoo iti komoyoonku, waro i ot ondodomon dino do pamalanja dot tanganak diko sumikul. It kotulungan dino inono pananom kow dot koko. It 25 toon dit gulu, ogumu ot minananom dot koko sid Kota Marudu. It nongokoponanom dit gulu, asanang i babanar it kopoposiyon daalo. Sabanar noh, waro i ot gama dot porinta monulung posingkag dit kasanangan dot raayat. Maya sid Lembaga Koko Malaysia (LKM), waro ot reetan dot "insentif penanaman koko". Ino poh boh om subai ko momuun sid LKM dit kotulungan dot porinta dino. It elalaanku, manaak ot porinta maya sid LKM insentif dot mananom koko kinagayaan 1 ha (2.5 ekar). It insentif dino baja, rasun (sakot, panakit kulat om dudupot), bibit koko dit awasi, kurusus om wokon poh. It sanganu dot tana momiara nopoh, posuni om manganu dit asil dot koko dino. Padagangan, kada kow kosusa waro i ot momoli sino. Tidino nokendakod noh ot torogo dot koko. Sino id Kota Marudu torogo dot koko dit bulan Disember 2008 dinuatku RM1.00 gisom RM1.50 songkilo mari. Inot 2.5 ekar ot atanaman dino, waro ot 1,100 poon dot koko atanom. Inot koko mantad katanom, 1.5 toon mumbal noh monguwa. Kadungko momiuwa noh banar, waro i dati oboh ot RM500 - RM1000 sombulan ko lalabaan i dati ot asil dino. Songkuro poh dino ino owoh. Aaku boh elaan banar it insentif dino nga umbal kow mongubung dit pogawai bakanaan irad ad siba diti. 088-255320 (u/p: En. Leonardo Regino), Ibu Pejabat LKM, Kota Kinabalu. Kowosian ong sera mongubung kow dialo, waro noh ot kumpulan dikoo leed dit ominat banar mananom dot koko. Ba mangai umbal kow noh boh, osian ot tanganak tokow osusaan aso balanja sumikul. Ong yaloi Tekong mangatag dot pisasambatan ad dewan dot Tandek nga lobi poh awasi. Nota: Tulisan ini mengajak pembaca di Kota Marudu bergiat dalam penanaman koko untuk menaikkan taraf hidup mereka. Keterangan lanjut untuk insentif penanaman koko melalui Lembaga Koko Malaysia, sila berhubung dengan pegawai yang berkenaan yang menyelia aktiviti penanaman koko di kawasan Daerah Kota Marudu iaitu En. Leonardo Regino 088-255320. Selamat menanam koko.

13 comments:

RumbiaMasolog said...

Torima kasi guru tu awasi ti boros nu. Turus kosorow ku ie tanganak oku po waro kabun kuku (koko) dagai silo (retan dagai sid Toip) Talantang 2. Aaku po sumikul angatan okoi (bro.Herman & bro.Hendry)no di apa om ama mongoi menganu tua di kuku. Lebi kurang mo somok senjaam mamanau om korikot nogi no. Om balai diri ie apa om ama tukang manganu (moni'it to asawat ie tua di kuku) ie tua om yokoi ti tukan memu'u no. Masing2 oki waro pataan nga nasib po tu amu agayo id pataan ku nga awawagat ie bo ong oponu no do kuku. Iri tapant it mamanau mangatod sid tampat pompugan dot kuku. Korkot tagandu om mangakan nogi, ai asaadap no mari sadin maan tudakan do lada om waro nogi liniking napaga do limau om ki lada kie....sampod po mikikip dot witilon no na dagan dot mangakat dot kuku.

Opongo menganu ie tua om ompung ie kuku, ba korikot nono masa dot mamalah id tua tu manganu ie linsou ie kuku. Iri po amu bandar awasi koroul mari sondulu mogondul id linsou di kuku. Sampi lumonit om karaa mari. Om opongo dino iso po cabaran ie mangakat ino kuku (linsou po) owiton muli di walai. kadang2 pukul 6pm muli korikot walai nga pukul 8pm mari.

Ogumu pangalaman osingot dot kawad, pomosuon om kilau mari sepanjang pepiro to'on menusaha do kuku. Paling sorow ku, moju sid bawang, mindakod do buah-buahan mirad ko madang, mangis, limau manis, mangga, wani om biabas. Kadang2 maya oku di bapa mangalab do kawad om pomosuon. O'omis om asasadap no mari ie madu (nolingan ku nunu madu ong momogun owo) ong wagu po mari kie.

Tidino aso no ie kabun kuku dagai tu naganti no dot parai. Nga osorow oku bertuah oku banar tu waro pangalaman ku merad ko ti. Sampai baino maad ko emot oku ie kabun kuku dagai di gulu..

Mogoron said...

RM, ba pananom boh wagu dot kuku. Kada rumosi dit momuraa ot tunturu mongondul dit linsow kuku. Elaan noh diri iri mari tidino momiara supaya amu kumodow it linsow kuku.

How Are You? said...

awasi ti info diti. ba mai no kow.

Pengakuan...

terkenang it gulu gulu po, waktu it sumikul oku po. yoku om it tongo tompinai ku mologot okoy jalan kaki mantad sk tandek mangantas silo rasak mongoi masolog.osianan okoy tu LAPAR..manakau dot kuku.

isai dot kuku diri..aku elaan. mikimaap nopo bo..terdesak..

ILLIE said...

intatangan ku tidino..aso noh tulun id tandek mananom dot kuku..andaman ku dit kodori poh id parong nokombal oku ih mangalapak dot kuku dang tobe'nee ku..ogumu gima kuku id parong tiya diri..asal koh sumombol oku..mimang ko koti'im oku noh mangalapak dot kuku..sambil2 nono mangamul..ong omis erasa'an tad tolonon ih mari..hahaha

awasi ong boroson tokou tongo tulun id kampung..pononomon yalo dot kuku..mokinosiat ih di tuan mogoron..

ison said...

Panantaman ku ong yoku no ot nokotiim mangamul linsow do kuku. Ikoo nga buli taan i bala pangalaman.

Tipananom oku diri do kuku diti owo. Orubat tongo tana id kampung aso tataanom. Nunu ma mangan dot otoron i yaloi bro. mogoron pokiguruan.

Tupono: Kayow mananom kuku.

Mogoron said...

Woi oboh dikoo, miabal tokow i bala dot kipangalaman mangamul linsow dot kuku, ha..ha..ha.. amu akadasan kah di Illie boh.

Suwai mingkaso, kawasa kow mongubung dialoi Leonardo diri pasal mokitarang om mokianu dot burang pormuunan insentif penanaman koko.

Iri noh ot kowosian ong it tana dikoo waro ot niyuw, amu porolu dot tanaman poh dot polindung dino.

NONG said...

adess...
yoku nga nokombal i mari managmul dot kuku kie dimula. i maman ku nopo i maman Majalin, ahayo natanom doo dot kuku dimula.asasarok okoi mongoi magaji mongidu dit linsou kuku nga omulan po om i labut nogi sid kanvas. ong it lumou tad tolonon i..aso no bo diri dit tanah di maman tidino. nosungal no winaal dot botung..
Pinsan mogoron..ajadi i gam ot kuku ong id oduya dot oliyudan ot tanah? tulun siongo i En.Leonardo Regio bo dilo..

NONG said...

managmul ka nogi dot mongomul..alamas no banar gan iti tu bingung2..;)

Mogoron said...

nong, kowosian boh ong amu oliyudan. nga ong mitalib i ot liyud om amu olosod it kuku dot oleed, sumurut idati ino. Tulun Sabah boh yaloi Leonardo dino, okonko mantad id Rum, nga amu kaarati dot boros tokow.

JMimie Mabin said...

eniniyo tokow bala diti kikiawi bo..nokombal kiawi tumiim mongomul do linsow kuku di muula...omis2 om olunok bo gima..haha

su'on ku po bala yo boliow mananom do kuku..mogot no ondodomon.

ming2elly said...

macam mana mau dapat bibit ni koko ni? macam sya berminat pula mau tanam koko... cari pendapatan lagi...

Mogoron said...

Ming, kau telefon saja tu no. tel yang sia bagi dan minta bercakap dengan si Leonardo. Lepas tu berabislah menanya kepada beliau.

ming2elly said...

OK... THANKS MOGORON... ;O)