SAM

SAM

Followers

Dengarkan Utara.FM - Macam Biasa Juga Bah

Tuesday, May 19, 2009

ALASU SAPI

Foto: Tongo boboi ku mitootoluod. Iti nopo saasambatan 'alasu sapi' diti mantad id iso ot kamaman ya teti. Waro kabarasan insan masa id karamayan. Koobasan no bo ong waro karamayan mimang ko waro mamangakan. Adi tiya diri minogom no diri tongo tulun mangakan om sapi ot rinapa dino. Elaan nobo paangansak sid kampung2 nga waro ot reetan dot masak rabus nopo ka. Ogumu ot sup.
Adi yaman diti sino i bo mogom-ogom tu mangakan i ot kikiroon. Kalu ong witilon banar dati yaalo diri tu modtui kakato dialo it mangkuk om singgurupo no it sup dot sapi nga nunu ka mangan ong kadung ko kosook mantad id lonjong dot kogoolok. ”Ai adess... alasu bala sapi”, ka dialo. Adi ino neno kinoontodon diti saasambatan dot alasu sapi diti di nelaanku. Siti silo oku monoliduk sulap tongo kinoruangan iso duwo tadau diti, mad ko waro ot koguugu diti saasambatan dot ’alasu sapi’. Iri no bo tu kalung ong ugu ko i maman ya dino to, modtui sininggurup ot sup dit nikayas. Amu no sisinogi po om tutuyanan dara moniggurup. Soro saasabat. Amu no alasu banar topurimanan. Ogumu nogi diri song taatampu om ugu ko it taatanganak po tu waro pomoyinan miloolosok. Aku nopo elaan diri yoku isai ot mogiim om isai ot lumosok. Mad ko kikiawi nga engin lumosok. Kikiawi nga ogumu i bo ot boroson ong mitotoyow, nga awasi dara ong momomuobo tokow po taralom saabat om mintungangis po rumasang banar. Soroo no daton dot tokow i tokow iti. Kore-et ku silod KW dot subai ko osiba ot ginawo kangku. Adi kayow no mitotoluod kanto no ma ong waro ot kinorualan banar dot ginawo. Okookodok om omulok okupo bo yoku diti dati mantad dikoo wookon om amu i apaapatut dot yoku nogi ot koponiag, nga asee ot karaatan dot miatag tokow. Omulok otuo, tanganak osukod, nga nunu ma karaatan dot miatag-atag tawasi. Okon ko tikung oku po dot SAM nga asee kopidsalangan topurimanan ku dot bagi pihak oku di tikung om yokoi kikiawi staf SAM mokimaap kumaa kikiawi tongo kinoruangan nokorikot siti sulap SAM diti. Tu yokoi diti nga tulun i borini. Okoni ko ugu ko ‘superman/superwoman’ om okon i ko ugu ko malaikat dit amu nakasala. Adi poompusan ku diti boros ku biano, ka dit opibooboros dot tongo kinoruangan om, ’iduon no daton it olitok, om onuwon no it oniting’ ka. Kayow no miiso ot ginawo monginwawasi diti kowowoyoon dot tulun tokow, Kimaragang. Tupono borini: Okon ko sup no dot sapi ot alasu mari. Nunu2 poma ong kogoolok nga alasu i. Iri no tu tutuyanan nono daton moninggurup kenongko mangakan. Intangan po mogulu, soogiyon po om tiiman po saabat. Ong erasaan nga atamis kenongko ganta dot asagkaan baru nogi om singgurupon om akanon banar. Isai suul kowiliw om otuntugan tongo poo kondiri. Milom olonuk dati. Wowosion daton ki. ;)

3 comments:

SANGURU said...

nolintotok banar. aso noh komenku. LULUS ka disasambatan wagu dagai sid kampung-kampung. Yoku/Yokoi ka ot nasalah atau isai ka, mimaaf tokow no. Soruwaan aso pitotoluadan kada noh adadarakan tokow mi'okom. mamadai no cubit-cubitan...orotian noh iri. Tokow diti okon ko aso pikiran..."mimain mata nopoh nga kapaham noh"...

Insan poh kambagu : Maaf zahir batin ka di malayu.

SANGURU said...
This comment has been removed by the author.
Little Mike (LM) said...

uniknya persefahaman orang kita, senyum saja di jalan 'belimpas' atau angkat tangan.... berzaman perasaan muafakat itu terjaga....