SAM

SAM

Followers

Dengarkan Utara.FM - Macam Biasa Juga Bah

Saturday, June 27, 2009

Limbodui Minurubui

Kinoruangan it kaarati boros Kimaragang, elaan po kah dikoo ilo reetan dot limbodui? Isai dikoo it ogorot modsu sid bawang antawa moongimpori dit muula, elaan boh dikoo ilo reetan dot limbodui. Nga it sukod wagu amu no elaan boh dati ilo reetan dot limbodui. Iti no popeelo oku dikoo dot limbodui nopo dino nga wulanut dit miyon sid bawang. Ong it muula tu okudik po ot koosomu kotobung sid bawang, waaro nopo ot limbodui asambat mari. It kogoyoo ong olombon no banar mirad no dot tuntuduk tunturu. It konoruwo yo waro dati gisom 45cm. Opurak ponong sid tiyan, mengkararagang sid tobik om etom ponong sid solot. Iti limbodui ogorot mangakan dot gitik, sada om nunu nopo it orulun sid weeg dit kenginan yo mangakan. Ong it muula, sera monobuk okoi dot sada sid sosogoon, apo leleed om oyuud nopo mari ot limbodui ponong sid sawa manapul dit tinee dot sada. Ong it insaan oku nogi kokito irad diri, rumosi oku i owoh, nunu tinganan gimaawat, tanganak poh banar. Ong iso noh ot limbodui mimbulai amu i boh korosiyan, nga kadung ko murubui mimbulai, booh kotitigagang no saabat ong it insan nogi kasambat ugu keeri. Koligogon toboh mari inot wulanut dino. Nga sera dit nagayo oku no om nobas-ubas no diri, amu i siratan om posimoyoon ku i dino murubui po mah it limbodui. Tu gisom no koligogon om amui moninduk gima. Iri noh kinoruangan Ponulis SAM kikiawi, ong kokira'ai tumalob kow, opurimananku dot kaarati kow i dino mogintong nunu song sada ot maan boliyo. Sera dot mangaraja kow dino, ogumu mari tumampu nga kada kow no kumiros, tu ugu no dot limbodui ilo. Maaka no boh ot koomamanon dang pomogunan diti, ogumu ot tumampu, waro i tompuwan opurak om waro nogi tompuwan etom. Nga ong tompuwan opurak ot pi ompuya tokow, opurak no boh ot ginawo tokow. Iri pogi ong dumansaran tokow baabanar mongompuya dot tompuwan etom, ai isai suul dot osiliw tokow ugu ko "urang minyak". Tupono: Impurasan no it tompuwan opurak om sisilikon nopo it tompuwan etom. Nota: Limbodui ialah sejenis ular yang hidup di sungai. Kelihatan menakutkan tetapi tidak membawa mudarat. Mereka hanya sejenis makhluk Tuhan yang turut hadir menumpang pada kehidupan maya ini. Rakan Penulis SAM, teruskan menulis perkara yang dapat membawa kebaikan, kesedaran dan membangkitkan jiwa yang sihat. Para pengulas budiman, teruskan ulasan anda sebagai rempah-ratus kepada setiap artikel yang dihidangkan SAM. Para pembaca yang dihormati, gunakan tapisan kebijaksanaan untuk mencerap sebelum mencerna setiap artikel yang tersaji dalam SAM. Salam maju jaya kepada semua.

3 comments:

JMimie said...

Baru tau ular sungai tu "limbodui" pula nama dia...hehe...thanks sifu Kimaragang.

NONG said...

Hahaha..
Kerak oku banar kadung ko 'limbodui' ot orongou ku. Nunu amu dot dimula ong mauk nopo yo suita nga araat no i jomidin mangan daalo poyoo. "sulo ko..kiawau ko limbodui.." ka daalo..
Nawi oku daalo mari kie.

SANGURU said...

hmmmm...kalalangand iti corita nu. bah, majaga tokow dit "tutumampu" om "tompuan etom"....