SAM

SAM

Followers

Dengarkan Utara.FM - Macam Biasa Juga Bah

Tuesday, November 24, 2009

KARABAU OM KANDAWAI

Kopiwosian kumaa kikiawi kinoruangan om pembaca dit kaarati dot boros Kimaragang. Waro tuturan di Mogoron sid sulap dialo pasal dot karabau om kandawai. Koginawaan ku ong adapat dot tongo kinoruangan mambaca. Poniagan tongo komeleengan daton manabpo, momokoruol om mamatai dot kandawai. Tuturan toponu pisako dikoo siti.

Tongo obpinee, kabanaran nopo diti tuturan dialoi Mogoron diri ong yoku mongitung nga ino no it reetan dot ‘hubungan simbiosis’ dit karabau om kandawai. Ogumu tongo namuk, kutu, limbata om wokon po sumokot sid koyuwan dot karabau nga amu adapat dit karabau mongidu kondiri, agayo poma it kondiri yo. Ong kosimoyo iri, kasakit om kokugui dit karabau. Leleed matai om nunu po amu opunso.

Ino tongo dupot tongo kokodok sumokot moginakan sid koyuwan dot karabau dino (reetan dot ‘parasit’), potiakanon bo dot kandawai ino. Adi ino no tu, agumu it tongo kandawai engin minsomok om sumako sid koyuwan dot karabau tu moginakan siri. Tasil nopo nono diri nga oborisian it koyuwan dot karabau. It kandawai nga owiyaan, it tongo karabau nga amu nono rumukung oontok dot panakit. Adi asanang no bo gima nono rumayat kiawi.

Tupono: Waro i ot koontokon tawasi poniagan tongo komeleengan om minsan ko dupot nga koponuduk daton dot misusuwai poma ot pongitungan om koginawaan kondiri nga waro i ralan miulud om mitootoluod.

2 comments:

SANGURU said...

naa ngam banar om awasi kababacaan. Ajarang tokou kopiboboros sid boros tokou. Potoruso!

kyro said...

Babanar ino Doc.Ih karabau om kandawai saling memerlukan kadi malayu.Tulun tokou ih irad dino adi sompi mitutulung om mitoluod tokou nono.