SAM

SAM

Followers

Dengarkan Utara.FM - Macam Biasa Juga Bah

Thursday, January 28, 2010

PANGAANDAMANKU DIKA

Siombo ot pakaayan nu, sino oku i manud-tanud dika. Asanong kokitanan it tokobuk nu osoogi dot sarup. Miabal aso pitongkiyadan ong kokusum koh, sera kopirolong kito. Aso kolunguyan osorou, asanong nopoh ot aandaman, sera sompi odop-odop sid sakot otomow. Mangkus-tangkus kito nogi mongogusa dot kolibambang. Tabpaanku dara it kolibambang, nga okirow okitoku it mato nu om momingog koh nogi, mangawud dogon, dot posimoyo dit kolibambang. Kanu, 'sianai noh ilo kolibambang, tumalup linanji yoh ong atabpaan.' Biano, sinumikit pangandamanku dika, sera nokokito oku dit kolibambang mulud-tulud sid toguwangku. Sisiombo koh ma diri tidino? Kakal poh kah okirow it mato nu? Kopitutun kito poh gam ong kopisambat wagu? It kusum nuh dit landu ko oomis kakali asagot sid pangaandamanku.

6 comments:

JMimie said...

asanong om alanji iti 'puisi' nu oi pinsan. pangaandaman dit nakatalib...i tongo baya nokosokot id ginawo di kodori.. hehehe

p/s: nunu ka pongoretan dot puisi ong sid kimaragang?

IsOn said...

Adess... Mogoron, andaman ku it sekurang2 sastera ka diko di Illie kodori. :D

Asanong kabaabacaan om kopurimanan iti 'rineet'nu.

Sid pongitungan ku diti tuturan: Ogumu ot eengod om alanji kokitanan, nga okon ko kikiawi nga adapat/oporolu kuyutan om ompuyayon.

Umar said...

Madko surat sinta dang gulu2 iti pinsan... :-)

ILLIE said...

adessss karalom diti rine'et...alanji iti ong mangan posiliwo sid lagu.mogoron..iri koh iri balaai elo koh dot "sastera" boh..hahahaha

SANGURU said...

kolibambang...kososolon tu o'bebas mulud tulud...

Mogoron said...

Nagagampot monosorow nopoh toh ilo oi ambaya. Aso i isai-isai ot pinaantakan dilo.