SAM

SAM

Followers

Dengarkan Utara.FM - Macam Biasa Juga Bah

Thursday, June 10, 2010

TUNGKUSAN TOKOW

Nunu tabar dikoo tongo obpinee? Aarap oku dot ongo aliali kowi kikiawi. Aso kotingkaadan tongo kopidsalangan ong ino ot toyoon. Nga sabar nopo tokow sid nunu nopo gamaon daton.

Nakatalib no bulan lima om siti tokow no sid bulan koonom diti toon diti. Nga ino poma tu nakatalib no it tadau pongintaranan dot kaamatan, it pongitungan om pomurimanan daton kakal po ponong sino. Gam nogi sid  tongo kampung wokon tumimpuun nogi miraaramai. Team 4WD daton nga kakal po adadat siti silo maya dot pimayaan migodong dot tali. Arayow ku i yaalo tu asawat ot samangat, siti silo om masam2 no ot godongon daalo balatih.

Nokosombol oku sid sulap di Mogoron di biano, ades engangadan oku dit tuturan dialo silo tu monuturan yalo dit kowoowoyoon dot tulun tokow mongomot om rumamai maya dit koubasan daton. Pinongowian dit tuturan dialo silo ino no tu mongowit daton misosompuru tu aso gorong dot parai ong samparang no mosokot sid rami, tu alaian i mongomot iri. Akanon po dot tongo pirit nono. Pogi ong osompug it parai, nunu ot amu id laalangkasan daton monindal mongomot tu mokoyi dot araag.

Aku i owiwion monuturan siti bo it tuturan dialo dino. Awasi ong kosombol kow kondiri monoliduk silo. Asanong  mari it lalanu di mendiang Datuk Dr. James P. Ongkili, 'Tadau Tagazo Do Kaamatan' ka di Mogoron.Todoso dikoo SITI sumombol silod sulap dialo.

Tupono: Yoku nga manganu i dot kosiwatan momoros kopiwosian karamaian kaamatan kumaa tensanan tulun tokow. Om nogi Blessed Belated Birthday kumaa di Bro. Mogoron koniab. ;)

2 comments:

SANGURU said...

4WD daton? Hehe... Mimang tuan. Ogugumu noh godongon dootilo mari ai. Nga, nowoninganku noh yaalo, kangku: kada konow mongogodong dot tondu boh kangku!

Oya, e'man poh yaalo dot pongingayo dot koyuan om masol ka. Ilo poh akalah yaalo. Bah, misasambat tokou sid longob boh tuan! Aramaitiiii manarik taliii...

Um@r said...

Minta doa tokou muda-mudaan ali-ali i kikiawi... Kopiwosian!