SAM

SAM

Followers

Dengarkan Utara.FM - Macam Biasa Juga Bah

Tuesday, January 11, 2011

PANTUN KIMARAGANG




PANTUN KIMARAGANG

Tanak wagu mongoi sid Bandau
Aso korita sumako karabau
Bansa kimaragang mimang osuau
Obagos karaja tikid tadau.

Minsasarap montod sid walai
Majang modsu liwotung aralom
Mongoi botung mananom parai
Parai tadong aitom-itom.

Manuk tandaa mongungkarab,
Manuk momut sid tinungusan
Osulimod mamanau rumosi kaarab
Osulimod boros ong mituturan.

Kodori walai anaru
Raitan ‘binatang’ ka dituturan
Tadau biano amu misompuru
Aikidan walai mogiim koposian.

Mangatag kombos suwang runggou
Waig oniting kadang olobou
Aki Tumunda komolaingan tokou
Kusai abasag om osiou.

Kampung Longob agayo botung
Mangatap wagas mamakai saab
Mato waig raitan “Tumanggung”
Amu narasak tiya tandab.

Tulun Mosolog montod sid Longob
Momuka tanah mogiim koposian
Kodori tadau kaapat  talob
Waro sikul pongonuan palajaran.

Waro kinomol omis
Ogumu ainum abagos mamangkis
Ngaran gulu Kampung Togomongis
Kampung Salimandut e nitulis.

Ogumu bogil om ponopok
Aspou darun sid sarayo
Bawang Burung nowokok
Sinumurung liyud tagayo.

Tiya rondom amu kobulun
Ogumu rogon om monsimong
Watang om butak norulun
Akapal loot notongkop kampung

Dayang Cahaya montod Marudu
Sawo Syarif raitan Osman
Nakala miparang turus minogidu
Kampung Botition ralan winayaan.

Tanak tongondu amu kobulun
Kalabangan mimang korosian
Kampung Morion ogumu tulun
Noponu padang aso no pibulaan.

Sid Tandek mongoi sumikul
Kabangkalan butak aralom
Tulun Morion amu oobul
Agayo botung parai tinanom.

Kampung diti raitan Tingkalanon
Ngaran kodori raitan Lopungon
Sid sawa raitan Tongkungon
Agayo botung amu vitilon.

Tiya Jipun momorinta
Mamatai tulun miumpapata
Ogumu mogidu sid Somporita
Aso takanon aso rinapa.

Manangkus mingkokolibut
Masandang dot nombubut
Aso takanon aso kumut
Sansabon dopo tongo gamut.

Tadau-adau mitatabang
Kulit kayu pinakang
Winaal kusai oligkang
Panangkub dot borilang.

Omis tompipiris
Sid tuntu dot monggis
Korikot ot Boritis
Kiowit kumut olumis.

Tanak wagu om sumandak
Mongigol om mangandak
Kada moginum adadarak
Awuk mimang kosumpak.

HANAFIAH MZ
TANDEK.
















No comments: